- وحيات عينيك .....
- وحُبي ليك
- ما تخلنيش أبْعِد وأبْعِد كل يوم
- ما تخلنيش أندم وأندم ع اللي راح
- و لما تِبْعِد....قلبي يرتاااح م الجراح
- جَرّحْتِني ..دَبّلتِني....خوِّفتني
- مِنّك وعنّك بَعََّدْتِني
- اهدى بقا............كفاية عليّ مِنّك شقا
- مش هقولّك ارحمني .لكن هقول
- إرحمَك من ذنوب كتير ما تستحقهاش
- إنت بس ضعيف قُدّام كل باطل ما بتستناش
- لكن لأي لحظة فَرْح بـِتـُقـَف جبل.....ما تعديهاش
- لـَـغيرك يـِفرح بيها ولوإنت حتى..ما تدوقهاش
- لكني محتاجة..و جعانة
- و كأن جيوبك إنت اللي مليانة
- لكنك خايف لاحسن لابكرة ماتلاقيش
- ولو انُه بكرة يمكن ..ما نعيش
- طـَلـّع لِنا مرّة من جيبك حنان
- حـِـتـّـة تسامُح وللا ضحكة وللا باكو لبان
- ولو إنت جيبك فاضي زي قلبك
- ومش معاك تِزَكـِّي على حتّى حبايبك
- ..............طيب يا سيدي اقبل اللي احنا بـِنزكـِّـيه
- ما انت أقرب واحد لنا بنلاقيه
- لكنك..........اي فرحة وللا صدقة ما بتتقبلهاش
- يا سيدي خُـــدها...........خــُدها
- .............................دي و ربنا ببلاش
- وعجبي .....
ليست هناك تعليقات:
إرسال تعليق