- و ضِحكْت عليكي ضحكت و حبك ليّ ما طِقت.....
- موتتُه خنقتُه قتلتُه
- غطيتُه ..عليه صوتت...........
- و بكيت ..و كمان مَثلِْت
- أنّي كده بعدُه أنا متت.............
- .....وهِديت و مشيت في جنازته
- زعلان و حزين ووقِعْت..........
- و ضحكت عليكي ضحكت......
- و عملتي بِحُبّك إيه؟
- فرحانة أوي بيه كده ليه؟....
- .....متنازلة أوي بتضحِّي
- !قوليلي استفدتي إيه؟................
- ...........عُمرك.. قلبك.. ما لك
- بقوا مِلكي لوحدي أنا ليه؟...........
- .....استغلالي أناني شرّاني
- أومال فكراني إيه؟..................
- ...ما نا كنت بقولك فوقي
- بطلي تمثيل و شوفيه................
- شوفي واقع قاسي أناني
- و ـ الُكل ـ مش لوحدي فيه........
- .....انتي اللي قفلوا عنيكي
- و قفلتي بإيدك أكتر.................
- ..........و كِدبتي كمان على قلبك
- دوقي طعم المُرّ يا سكر.................
- وضحكت عليكي ضحكت........
- ..إنتي اللي قتلتي القلب
- جوهرة .و طمِعْت أنا فيها................
- ...ماهي جاتلي كده بالساهل
- و يا ناس معقول أرميها؟............
- إنتي اللي قولتي : شريكي
- ببلاش له روحي و مالي................
- ..... و طلع في الأخر واحد
- مالهوش لا عزيز ولا غالي..........
- ...و لا بَعرف قيمة حُبك
- و لا بعرف قيمة القلب................
- أصلي ولا مرة قابلتُه
- في قلوب الناس الحب ..................
- .....إنتي اللي جاهلة و جهلك
- قتللك في النهاية قلبك.............
- ...........و جاية تقوليلي : أنا مُتت!!!!!!!!!
- ..........ماضحكت عليكي ضحكت......
ليست هناك تعليقات:
إرسال تعليق