واحنا اللي خليناه علينا يوم سيّد
دبحنا و بلحمنا أكّلهم و بينهم هما
قال ايه راح لوحده يعيّد
راح ويا حبايبه يحتفل بالعيد
مع اللي عطوه سكاكيننا بين الايد
دبحنا و بلحمنا عزمهم ليلة العيد
لكن ولا يفتكر ... انه هيبقى سعيد
اللي اديناله دمنا و لحمنا............
حتى الدفا و عمرنا و فرحنا
قال ايه آخرها ...................
..............قاعد يشوي كبدنا
آدي نصيب اللي يرضى ف يوم يبقى خروف
له قليل برسيم و كتير كتييير م الخوف
لكن ما احلى تشوف و انت لسة خروف
ايد اللي بتدبحك و هي بتترعش م الخوف
احنا الغلط احنا اللي نستاهل
.............. بعنا نفسنا للي ما يستاهل
لكن باقي لينا قلوب هي اللي تستاهل
خدت بإيدنا و بفرحة بتقابل
مالهوش مكان بيننا ..لا الكداب و لا القاتل
من غيره احنا اسياد .....و من النهاردة
............... هنعيد
ليست هناك تعليقات:
إرسال تعليق